$itemmenu=
JRequest::getVar('option') =com_k2
JRequest::getVar('view') =itemlist

Самое читаемое

Контакты

 

Филиал АО «ТАТМЕДИА» - Газета.

Адрес редакции:
423350, Республика Татарстан,
Сармановский район,
с.Сарманово, ул.Ленина, дом 17.
2-40-31 - директор
2-57-76 - отдел рекламы
2-42-33 - ответственный секретарь, корреспонденты
2-42-35 - бухгалтерия (факс)
Эл.адрес: sarmangazetam11@mail.ru

Издатель: АО "ТАТМЕДИА"
420066, г.Казань,
ул.Академическая, 2.

Татмедиа
События
ИА Татар-информ
Җәмгыять
Җәмгыять

Җәмгыять (4364)


“Туган авылым” мәчете имам-хатыйбы Нурулла хәзрәт ЗИННӘТУЛЛИН белән бүгенге әңгәмәбез шактый үзенчәлекле. Шәхсән үзем аның кайбер фикерләре белән килешеп тә бетмәдем. Әңгәмәдәшем: “Анысы — сезнең эш, диндә ничек кушылган, шулай яшәргә кирәк дип сөйлим”, — диде. Укучыларыбызның күңелендә дә әлеге фикерләр төрле бәхәс уятыр дип уйлыйм.

— Нурулла хәзрәт, бүген ир, хатын, балалар турында сөйләшик әле. Балаңа үз исемеңне яисә әти-әнинекен, әби-бабайныкын кушарга ярыймы? 
— Дини күзлектән караганда, бернинди тыю юк, үз исемеңне дә кушарга мөмкин. Ләкин татарда мондый гадәт күзәтелми. Бу буталмас өчен шулай эшләнә. Юкса сүзнең кем турында баруы аңлашылмый бит: әтисеме әллә баласы турындамы? Шуңа күрә хәерле саналмый. Ә дәү әни, дәү әти исемен бирергә була, чөнки арада бер буын бар...
— Ир белән хатын аерылышканда, бала кем белән үсәргә тиеш? 
— Дин буенча, балага ирнең хакы күбрәк. Аерылган очракта кечкенә сабый әнисе белән яшәргә тиеш. Инде үз-үзен карый, ашый, киенә башлагач, атасына күчә. Ана кеше аерылышуга ук кияүгә чыкса, бала шундук әтисе янына китә, чөнки ул чит ир белән яшәргә тиеш түгел. Яңа ир хатынының баласын үзенеке кебек кабул итмәячәк. 
— Атаның да яңа хатыны булса? 
— Барыбер әтисе янында үсә. Ир гаиләдә хуҗа булганлыктан, яңа хатыны балага салкын караса, ул аны туктата ала. Әгәр ир, яңа хатынының баласына булган мөнәсәбәтен ошатмаса, яхшылап сөйләшә. Алай да барып чыкмаса, хәләл җефетен аера ала. 
Ә хатын-кыз, башка иргә кияүгә чыккач, аңа яраклашырга омтыла, баласы турында уйламый. Шуңа да ислам динендә барысы уйланылган: хатын-кыз, ире белән яшисе килсә, барысына түзә...

https://vk.com/irekmaydani

 

 

"Кеше сәламәтлегенә аңлы рәвештә авыр зыян салу һәм үлемгә китерү" факты буенча җинаять эше кузгату мәсьәләсе хәл ителә.

 Түбән Камада полиция хезмәткәрләре  үтерүдә шикләнелгән затны "кайнар эз"дән тоткарлаган. Якынча мәгълүматларга караганда, әлеге ир-ат планшетын урлаган өчен танышын үтергәнче кыйнаган, дип хәбәр итә Эчке эшләр министрлыгының Түбән Кама районы буенча  идарәсе матбугат хезмәте.

20 гыйнварда 00.45 сәгатьтә кизү частенә "Җиңүгә 30 ел" урамындагы 10нчы йорт лифтында ир-ат мәете табылу турында хәбәр килгән. Кыйнап үтерелгән кеше - Түбән Камада яшәгән 34 яшьлек ир-ат.

Җинаятьчеләрне эзләү хезмәткәрләре аның үлемендә 30 яшьлек танышының катнашы булырга мөмкинлеген ачыклаган. Шикләнелгән зат яшәү урынында тоткарланган.

Якынча мәгълүматларга караганда, ир-атлар бергәләп спиртлы эчемлек эчкән. Шешәдәше киткәч, икенчесе планшеты югалуын сизеп алган һәм ачыклык кертергә иптәше артыннан киткән. Ул корбанын кул көче кулланып һәм аяклары белән типкәләп кыйнаган.

Кеше сәламәтлегенә аңлы рәвештә авыр зыян салу һәм үлемгә китерү факты буенча җинаять эше кузгату мәсьәләсе хәл ителә.

http://tatar-inform.tatar/news/2018/01/20/156449/

Фото: пресс-служба УМВД по Нижнекамскому району

http://tatar-inform.tatar

Нурлатта 4 фатирлы барак тибындагы йортта сигез кеше тораксыз калган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Агентлык язуынча, янгын кичә көндез чыккан. Нурлат районында янгын турындагы хәбәр кичә ашыгыч хезмәтнең 112 бердәм номерына 13.00 сәгатьтә килеп ирешкән. 125 нче янгын сүндерү-коткару часте хезмәткәрләре 12 чакрым юл үтеп, Һәлакәт урынына 14 минутта килеп җиткән. Шул кадәр үк вакыттан 200 квадрат метр мәйданда янгын камап алынган. Янгын 13.37 сәгатьтә тулысынча сүндерелгән.

 

 

 

Урынга Нурлат мэры Нәгыйм Сафиуллин килгән. Янган йортта яшәүчеләр өчен «Лучезарный» профилакториясендә вакытлыча яшәү пункты әзерләгәннәр. Йортсыз калучылар анда барырга теләмәгән, ә туганнарында яшәп торырга булган.+

 

 


http://matbugat.ru/

http://matbugat.ru/news/?id=21209

Кызыл бүренең гәүдәсе — шакалны, мех төсе —төлкене, яшәү рәвеше бүрене хәтерләтә. Аны Көньяк һәм Үзәк Азиядә очратырга була. Биологлар кызыл бүрене унлап төргә аера, алар Алтайдан Индокытайга кадәр таралган. Хәер, болай әйтү арттыру булыр. Кызыл бүренең барлык төрләренә дә югалу куркынычы яный, ул Халыкара Кызыл китапка кертелгән.

Кеше йөзләгән ел кызыл бүрегә ау алып бара, аучылар үзара мактану өчен дә аулыйлар. Төлкенекенә охшаш мехы да аның өчен бәлагә әверелгән. Кызыл бүрене, ялгыш төлке белән бутап, атучылар да күп. 
Кызыл бүре чүл, далада да очрый, шулай да таулы, кыялы урыннарны өстенрәк күрә. Шуңа аны икенче төрле тау бүресе дип тә йөртәләр. Кызыл бүре көндез дә, төнлә дә актив. Үзеннән күпкә зур хайваннарга, юлбарыс яки селәүсенгә ташланырга да курыкмый. Кешегә бик сирәк һөҗүм итә, аннан яшеренүне хуп күрә. Төп дошманнары булып үз биологик туганнары — этсыманнар, бүреләр, койот санала. 
Галимнәр раславынча, Җирдә кызыл бүренең популяциясе 3 меңнән артмый. Русиядә ул хәзер бик сирәк очрый. Моның төп сәбәбе — үзеннән көчлерәк соры бүре белән даими көндәшлеге. 
Кызыл бүре — ерткыч, ул вак имезүчеләр, сөйрәлүчеләрне аулый, кайчак антилопа, боланнарга да һөҗүм итә. Организмына витаминнар җитешмәгәндә, үсемлек ризыкларына да күчеп ала. 
Кызыл бүре көтү белән яши, анда 12 гә кадәр җыелалар. Соры бүредән аермалы буларак, көтүдә әйдаман юк, ауга бергәләп, гадәттә, көндез чыгалар. Кызыл бүре арттан һөҗүм итә, корбанының муеныннан эләктерми. 
Кызыл бүре гомерлеккә парлаша. 60 көннән ана бүре 5-9 көчек тудыра. Балаларны да бергәләп үстерәләр. Кызыл бүре көчеге сукыр булып туа, кечкенә чакта ул немец овчаркасын хәтерләтә. Ике атнадан күзләре ачыла, 2 айдан балалар үсеп тә җитә. Ул этләр белән кушылып та нәсел калдырырга сәләтле. 
Уртача гомер озынлыгы — 15 ел.

https://vk.com/irekmaydani

 

Илексаз мәктәбендә "Аяз Гыйләҗев - якташыбыз" исемле атналык узды. Аяз Гыйләҗевнең тормыш юлы һәм иҗатына күзәтү ясалды. 5-6 нчы класс укучылары өчен 16 нчы январь көнне "А.Гыйләҗев иҗатын беләсеңме?" исемле кроссворд конкурсы узды. Ә 7-9 нчы класс укучылары "А.Гыйләҗев иҗаты"на проект эшләре якладылар. Шулай ук рәсем конкурсы да узды.

Бүген безнең балалар бакчасыннан зурлар төркеме сәнгать мәктәбенә мастер-класска бардылар. Анда Әлфия Салимхановна безгә татар киемнәре , аларның бизәлешләре турында сөйләде. Гасырлар буена халык бу эшкә үзенең күп көчен, матурлыкка омтылышын, хыялын, эстетик зәвыгын салган. Шулар турында мәглүмәтьне балаларга җиткерде.Әлфия Салимхановна аяк киемнәренең бизәкләрен ничек итеп ясарга, күн белән эшне ничек итеп башкарырга кирәклеге турында сөйләде һәм күрсәтте. Балалар бик теләп, кызыксынып какрадылар. Ә иң ахырында балаларга сәнгать мәктәбе истәлеге итеп Әлфия Салимхановна бүләк өләште.

“Ләйсән” балалар бакчасы өлкән тәрбиячесе Лилия  Шакирова

Зурлар төркеме тәрбиячесе Гөлфинә Фәсхетдинова

Аяз Гыйләҗевның тууына 90 ел тулу уңаеннан район мәктәпләрендә төрле чаралар - әдәби кичәләр, язучының иҗатына багышланган рәсем һәм кроссворд конкурслары үткәрелә, китап күргәзмәләре оештырыла, укучылар язучының әсәрләре буенча спектакльләр әзерлиләр. Мондый чаралар алга таба да дәвам итәчәк. 

Асия һәрнәрсәгә гашыйк. Күзләре күрмәсә дә, ул үзенең нечкә күңеле аша сәламәт кеше тоймаганнарны да тоя. Матур итеп рәсем ясый, чит илдә дә дуслары бара. Яхшы итеп русча сөйләшә, үзлегеннән испан, инглиз телләрен өйрәнә, бик кызыксынучан кыз. Сәнгатьле уку бәйгесендә җиңүләре бар. Актерлык осталыгына да ия. Барлык гүзәл сыйфатларны тәрбияләгән әнисенә рәхмәтле ул. Кадерлесенә атап сөйләгән шигыре беркемне дә битараф калдырмас.

“Яшәүдән туеп булмый” ди халык. Кемнең генә өлкән яшькә җитеп, оныклар тәрбияләп, тыныч картлык кичерәсе килми икән? “Халык медицинасы” бу җәһәттән нәрсә тәкъдим итә соң? Гомерне озайтучы 10 ризыкка игътибар итик әле.

Әлеге “унлыкта” солы боткасы иң соңгы урында тора. Ул кандагы шикәрне киметә, эчәк эшчәнлеген яхшырта, ашказаны эшләмәүдән инте­гүчеләргә бик файдалы.

9нчы урында – сарымсак. Ул организмдагы зарарлы матдәләрнең эшчәнлеген киметә, кан басымын төшерә, баш мие күзәнәкләренә файдалы. Организмның яман шеш авыруына каршылыгын көчәйтә.

8нче урында – яшел чәй. Бу чәйдәге антиоксидантлар күләме бер порция яшелчәгә тигез. Йөрәк-кан тамырлары, яман шеш авыруларына каршы “көрәшче”. Кандагы шикәрне киметә, кан басымын төшерә.

Белгечләр диңгез балыгын җи­денче урынга билгели. Атнасына 5 тапкыр майлы диңгез балыгын ашау йөрәк өянәге авыруы мөмкинлеген 54 процентка киметә.

6нчы урында – какао. Бу эчемлектә антиоксидантлар бик күп. Ашказаны җәрәхәте авыруыннан ярдәм итә, иммунитетны ныгыта.

 

5нче урында – шыттырылган бодай. Организмны токсиннардан чис­тарта, эчәкләр эшчәнлеген яхшырта, иммунитетны ныгыта.

Алма – дүртенче урында. Җи­мештә тимер, йод күп. Алма организмны чистарта, холестеринны киметә, йөрәк-кан тамырлары авыруларына каршы тора.

Виноград өченче урынны били. Виноградның төсе никадәр карарак булса, шулкадәр файдалырак. Ви­ноградның нәкъ кабыгы һәм төшләре файдалы! Андагы антиоксидантлар Е витаминыннан берничә дистә тапкыр күбрәк.

2нче урында – помидор. Ликопин – көчле табигый антиоксидантларның берсе. Бу матдә помидорда бик күп. Иммунитетка көчле йогынты ясый, матдәләр алышынуга уңай тәэсир итә.

Беренчелек – кара җиләктә. Ул – антоцианидин чыганагы, димәк, иң көчле антиоксидантка ия. Бу җиләкне күпләр күрү сәләтен яхшыртучы дип белә. Әмма ул бик күп органнар эшчәнлеген көйли, картаюга каршы тора. Нерв авыруларыннан файдалы, кан тамырларын ныгыта, кандагы шикәрне киметә һәм башка бик күп авырулардан ярдәм итә.

http://kiziltan.ru/

Фото:https://pixabay.com/ru/photos/

Алтын эзләүчеләр торган җирләрдән башка илгә волонтер булып китә алыр идеңме? Уйга калдыңмы, дустым? Ә Африканың Гана республикасы егете Фарук Ганди ике дә уйламыйча ризалашкан. Ул кышкы каникуллар вакытында Башкортостанның «Тимербатыр» лагеренда эшләгән. Моның турында кичә күп кенә матбугат чаралары язып чыкты. Ә «Ялкын» бу егетнең үзен тапты һәм аның белән турыдан-туры элемтәгә чыкты.

«Тимербатыр» лагеренең эшли башлаганына ике ел икән. Аның төп юнәлеше – робототехника һәм инглиз сөйләм теле. Лагерь җитәкчелеге Уфаның волонтерлар белән алмашу буенча «AIESEC» Халыкара оешмасына мөрәҗәгать итеп, төрле илләрдән лагерьга волонтерлар җәлеп итәләр. Лагерь һәр каникулда эшли. Бирегә кышкы һәм җәйге каникуллар вакытында берешәр волонтер килә. Лагерь җитәкчелеге бу юлы да «AIESEC» оешмасына мөрәҗәгать иткән. Төп таләпләрнең берсе – волонтер рус телен белмәскә тиеш булган. Шулай булганда укучылар инглиз телен яхшырак үзләштерәләр икән. Кирәкле кеше… Африкада табылган!

Африка егетенә Уфада бик ошаган

Фарук Ганди үзе русча да, татарча да, башкортча да белми. Бары тик инглиз телендә генә сөйләшә. Шуңа да үземнең студент чагымда Америка Кушма Штатларында шомарган тәҗрибәмне эшкә җигәргә туры килде – аның белән инглиз телендә аралаштык.

27 яшьлек Африка егетенең Россиягә әле беренче тапкыр гына килүе икән. Безнең ил лагерьларында укытучы-волонтер булып эшләве дә – тәүге тапкыр. Ә моңа кадәр Ганада волонтер булып хезмәт куйганы бар. Ул андагы балаларны да шулай ук инглиз теленә өйрәткән.

– Миңа балалар белән эшләү бик ошый. Шуңа Уфага эшләргә килдем дә. «Тимербатыр» лагеренда балаларга инглиз телен өйрәттем. Бик яраттым үзләрен. Африка һәм Россия балалары арасында шактый аермалар барлыгын да аңладым. Мисал өчен, сезнең илдәге балалар бик кызыксынучан, бик күп сораулар яудыра, күп төрле әйберләрне белергә тели, – ди егет.

Фарук шушы лагерьда эшләү вакытында Башкортостанның Бөрян районындагы Әбделмәмбәт авылында яшәгән, Россиянең һәм Башкортостанның мәдәнияте белән танышкан. Биредә аңа бик ошаган. Төрле тәҗрибә тупладым, ди ул. «Хәтта чаңгыга да бастым! Монда карны беренче тапкыр күрдем. Бу авылның кешеләре бик ачык, гаилә җанлы. Башкортостан мәдәниятен дә бик яраттым. Аларның җырлары, биюләре, телләре дә ошады. Хәтта берничә сүз дә өйрәнә алдым. Хәзер «яхшы», «пока», «как дела?» дия беләм, – дип искә ала ул.

Хәзерге вакытта егет – Уфа шәһәрендә. Бераз ял иткәннән соң, тагын бер лагерьда атна дәвамында укытучы-волонтер булып эшләячәк. Шуннан соң гына кире үзенең туган ягына – Ганага кайтып китәчәк. Беренчесе, ләкин соңгысы булмасын, дип әйтәләр. Фарук та шулай ди. Ул киләчәктә башка илләрдә дә волонтер булып эшләргә каршы түгел.

Егетнең Африкада төп эше бар. Ул Gold Mines Limited ширкәтендә сыйфат тикшерү хезмәткәре булып эшли. Бу – алтын эшкәртә торган оешма.

«Атта да йөрттек, чана да шудырдык»

 

Башкортостанның Бөрьян районындагы “Тимербатыр” мәктәп лагерен оештыручысы, Әбделмәмбәт урта мәктәбе директоры Инсур Үтәбәев – Фарук белән якыннан аралашкан кеше. Без аның белән дә элемтәгә кердек.

– Фарук үзе дә бик яхшы гаиләдән, Россиядәге төрле халыкларның мәдәнияте белән танышырга килгән. Ул балаларны бик ярата. Җырларга, биюгә дә мөкиббән. Безнең укучылар да аны бик ошатты, чөнки, беренчедән, ул – мөселман, икенчедән, балалар белән күңелен биреп эшли. Ул алар белән һәрвакыт булды, төрле чаралар уздырды. Авыл халкы белән очрашты, яшьләр белән спортзалда төрле уеннар уйнады, – ди Инсур Рамил улы.

– Фарук балалар белән бары тик инглизчә генә аралашты. Дәресләрен уен форматында уздырды. Балалар үзләре дә инглиз телендә сөйләшергә тырышты. Хәер, волонтерның үзен дә күп нәрсәгә өйрәттек. Әйтик, русча сүзләргә өйрәттек, Россия турында сөйләдек. Моңарчы Фарукның карны бер дә күргәне булмаган. Аңа чана шудырдык, атта йөрттек, тимераякка бастырдык. Бездәге азык-төлекнең, ашауның нинди икәнен дә күрде, – ди Инсур әфәнде.

Бездә инглиз телендә аралашу бөтенләй юк. Шуңа да «Тимербатыр»га йөрүче балалар Фарукның дәресләре вакытында үзләренең инглиз телен бик үк яхшы белмәвен һәм бу телнең мөһимлеген аңлый. Укучыларда бу фәнгә караш та үзгәргән, балалар бертавыштан аны өйрәнергә кирәк дигән икергә килгән. «Тимербатыр»да тулы бер көн волонтер килгән илнең мәдәнияте белән таныштыруга багышлана. Башкортостан балалары үзләренең мәдәнияте белән генә таныштырып калмыйча, Гана республикасының милли киемнәрен, җырларын, биюләрен турында да кызыксынып тыңлый.

Төрле илләрнең мәдәниятләре белән танышырга теләүче егет шулай итеп элек бер дә күрмәгән җирләрне күреп киткән. Тел Киевка кадәр илтә, диләр. Бу юлы Фарукны инглиз теле Уфага кадәр җиткергән. Киләсе тукталышы кайда булыр? Монысы әлегә билгесез.

http://yalkyn.com

 

<< Первая < Предыдущая 1 2 3 4 5 6 7 8 9 10 Следующая > Последняя >>
Страница 1 из 437

Сегодня 21.01.18

Поздравляем

Смотреть все новости

Мы в контакте

 

Архив

« Январь 2018 »
Пн Вт Ср Чт Пт Сб Вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

© 2011 - 2018. САРМАН . Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте , возможна только с письменного согласия редакций СМИ.
При поддержке Республиканского агентства по печати и массовым коммуникациям «Татмедиа». 

Наименование СМИ: Сарман
№ свидетельства о регистрации СМИ, дата: Эл №ФС77-47640 от 07.12.2011

выдано Федеральной службой по надзору в сфере связи,
информационных технологий и массовых коммуникаций

ФИО Главного редактора: Сабирова Альбина Ашрафулловна
Адрес редакции: 423350, с. Сарманово, ул. Ленина, д.17
Телефон редакции: (85559) 2-40-31
Учредитель СМИ: ОАО «ТАТМЕДИА»

RSS